[UPDATE] Комплаенсын эрсдэлийг НҮБ болон Европын Холбооны датагаар шалгадаг боллоо.

1. 🛡️ Олон улсын болон Дотоодын "Хар жагсаалт"-ын автомат шүүлт (FATF & Sanctions Check)

Өмнө нь Tuss.io систем дээр Мөнгө угаах болон терроризмыг санхүүжүүлэхийн эсрэг (AML/CFT) шинжилгээ болон Гэрээний эрсдэлийн шинжилгээ хийхдээ гэрээ, бичиг баримт оруулахад тухайн байгууллагыг зөвхөн Монгол улсын opendata.mn систем дээрх эрсдэлтэй, хар жагсаалтад байгаа эсэхийг шүүж харуулдаг байсан.

Тэгвэл одоо: Системд оруулж буй байгууллага, хувь хүмүүсийг олон улсын хамгийн том санкц, эрсдэлийн өгөгдлийн сангуудтай ШУУД холбон автомат шалгалт хийдэг боллоо. Үүнд:

• 🇪🇺 Европын Холбооны (EU Sanctions) хориг болон хязгаарлалтын жагсаалт.
• 🇺🇳 Нэгдсэн Үндэстний Байгууллага (UN Security Council Consolidated List)-ын аюулгүй байдлын зөвлөлийн нэгдсэн хар жагсаалт.

Энэ нь ямар ач холбогдолтой вэ?

Банк, ББСБ, арилжааны байгууллагууд харилцагчиддаа зээл олгох, гэрээ байгуулах, олон улсын шилжүүлэг хийхдээ олон тусдаа сайт руу орж гараар шалгадаг байсан нүсэр, цаг авсан ажлыг Tuss.io систем хэдхэн секундэд автоматжуулж, эрсдэлтэй харилцагчийг шууд сануулж анхааруулах боломжтой боллоо.

Зөвхөн банк, санхүүгийн салбар төдийгүй бүх төрлийн бизнес, байгууллагуудад дараах бодит боломжуудыг олгоно:

1. Бэлтгэн нийлүүлэгч, Хамтрагч талын шалгалт (Vendor Due Diligence): Авч буй бараа, үйлчилгээний гэрээ байгуулахаас өмнө тухайн бэлтгэн нийлүүлэгч, туслан гүйцэтгэгч компани эрсдэлтэй эсэхийг 5-хан секундэд оношилж, компанийн нэр хүнд болон санхүүгийн эрсдэлээс сэргийлнэ.
2. Худалдан авах ажиллагаа ба Тендер (Procurement): Тендерт оролцож буй эсвэл хамтран ажиллах гэж буй компаниудыг олон сайтаар орж гараар хайх шаардлагагүйгээр Tuss.io дээр системээр нь шууд шүүлгэж, худалдан авах ажиллагааны эрсдэлийг бууруулна.‍
3. Олон улсын худалдаа ба Гадаад харилцаа (Import/Export): Гадаад түншүүдтэй гэрээ хийх, импорт, экспорт хийхэд тухайн олон улсын байгууллага эсвэл хувь хүн НҮБ болон Европын холбооны хоригт орсон эсэхийг урьдчилан шалгаж, олон улсын хууль дүрмийн зөрчлөөс хамгаална.‍
4. Гэрээний багц эрсдэлийн шинжилгээ: Шинээр байгуулж буй бүх төрлийн гэрээнүүдэд агуулагдаж буй заалтууд болон гэрээлэгч талуудын эрсдэлийг нэг дор цогцоор нь дүгнэж, удирдлагуудад шийдвэр гаргахад бэлэн тайлан гаргаж өгнө.

2. 🌐 Хэлний ба Орчуулгын бүрэн сайжруулалт (UX/UI Refinement)

Систем дээр байсан Монгол, Англи нэршил, орчуулгын алдаануудыг бүрэн засаж сайжрууллаа.

• Бүх цэс, товчлуур болон системээс гаргадаг эрсдэлийн тайлангийн орчуулгууд илүү ойлгомжтой, цэгцтэй, мэргэжлийн болсон.
• Системийг ашиглаж буй хэрэглэгчид төөрөгдөхгүйгээр өөрт хэрэгтэй эрсдэлийн дүгнэлтээ шууд уншиж танилцах боломж бүрдлээ.

-----------------------------------------------------------------------------------------------------------------------

Бид харилцагч, хэрэглэгчдийнхээ мэдээллийн аюулгүй байдал, хэрэгцээ шаардлагад нийцүүлж системийн хөгжүүлэлтийг тасралтгүй хийж ажлын удирдлага болон комплаенсын үйл явцыг тань дэлхийн жишигт нийцүүлэхийг зорьж байна.

Таны санал, хүсэлт бидний хөгжүүлэлтийн чигт үргэлж чухал байх болно!

Хэрэглэгч та хөгжүүлэлттэй холбоотой нэмэлт мэдээлэл, зааварчилгааг +(976) 7014-9761 дугаарт холбогдон авах боломжтой ба marketing@tussolution.mn хаягт санал хүсэлтээ илгээгээрэй.

tuss.io - г туршиж илүү дэлгэрэнгүй мэдээлэл авахыг хүсвэл энд дарж, уулзалт товлох эсвэл онлайн meeting хийх боломжтой.