tuss.io - 2026 оны эхний хагаст хийсэн системийн шинэчлэлт

Эрхэм хэрэглэгчид та бүхэн хагас жилээ дүгнэж, их ажлын ард гарч, их зүйлийг бүтээсэн гэдэгт бид итгэлтэй байна. Ингээд өнгөрсөн хугацаанд хийсэн системийн шинэчлэлтэйгээ танилцаж хамтдаа дүгнэцгээе.

Бид хаанаас эхэлж, хаана ирэв?

Жилийн эхэнд tuss.io систем байгууллагын үйл ажиллагааг хялбарчлах суурь шийдлүүдтэй байсан бол, өнөөдөр бид хиймэл оюун ухаанд (AI) суурилсан, байгууллагын менежментийн цогц экосистем болж чадсан. Бид энэ хугацаанд зөвхөн алдаа засах, жижиг сайжруулалт хийхээр хязгаарлагдалгүй, танай бизнесийн хурдыг хэд дахин нэмэгдүүлэх томоохон шинэчлэлтүүдийг тасралтгүй нэвтрүүлсээр ирлээ.

ТУС систем нь байгууллагын өдөр тутмын ажлыг эхлэхээс дуусах хүртэл бүх үе шатны шийдлийг хиймэл оюун ухаан, системийн сэтгэлгээ, мэдээллийн аюулгүй байдал, олон улсын аргачлалтай холбон бүтээсэн гэдгийг та бүхэн мэднэ. tuss.io нь өнөөдөр бүх түвшний салбар нэгж, компани, төр, хувь хэвшлийн өдөр тутмын хэрэглээнд нэвтрэн амжилттай хэрэгжсээр байгаа юм.

Өнгөрсөн хугацаанд системд нэвтэрсэн онцлох шийдлүүд:

• Хиймэл оюун ухаанд суурилсан комплаенс ба шинжилгээ:
  
  • Гэрээ болон сканнердсан баримт бичгийг AI ашиглан хормын дотор уншуулж, эрсдэл болон зөрүүг илрүүлэх, мөн илэрсэн зөрүүгээс шууд ажлын даалгавар (Task) үүсгэх бүрэн автоматжсан процессыг нэвтрүүлсэн. Өмнө нь гэрээг гараар уншиж, эрсдэлийг тооцоолоход хэдэн өдөр зарцуулдаг байсан бол, одоо Tuss.io-ийн AI-ийн тусламжтайгаар хэдхэн секундын дотор гэрээний хариуцлагын зөрүү, эрсдэлийг илрүүлдэг болов.
  • Баримт бичгийн салбарын нөлөөллийн шинжилгээ, баримт бичгийн доголдлыг засварлах шинжилгээг комплаенс цэсэндээ нэвтрүүлснээр байгууллагын дотоод бичиг баримтын эрсдэлийг үнэлэх, сайжруулах боломжтой шийдэл боловсруулсан.
• AI шийдлүүд:
  
  • Комплаенс шинжилгээ хийхээс гадна бичиг баримт, дүрэм, журам, маягт болоод зорилго, ажлыг хүртэл хиймэл оюун ухаан ашиглан үүсгэх, сайжруулах, оношлох боломжийг шингээсэн. Та ажлынхаа процесс бүрт хиймэл оюуны тусламжийг авах боломжтой.
  • Бүх төрлийн албан бичиг, гэрээ, дүрэм, журам, гэрчилгээ, маягтуудыг систем дээрээ шууд боловсруулах боломжтой болсон.‍
• Ухаалаг маягт болон файлын нэгдсэн удирдлага:
  
  • Гадны үүлэн системүүдтэй (Google Drive, OneDrive) шууд холбогдож файлуудаа төвлөрүүлэхийн сацуу, байгууллагын дотоод болон гадаад (системд бүртгэлгүй хүмүүсээс ч) мэдээлэл цуглуулах, үнэлгээ хийх уян хатан дижитал маягтын шийдлүүдийг бий болгов.‍
• Ажлын урсгал болон даалгаврын ухаалаг удирдлага:
  
  • Багийн гишүүдийн ажлын ачааллыг оновчтой хуваарилах, үе шаттайгаар хянах Kanban самбар болон ажлын урсгалыг (Workflow) танай байгууллагын үйл ажиллагааны онцлогт тохируулан хүссэнээрээ удирдах боломжтой болсон.
• Цаг ашиглалт, ирцийн нарийвчилсан хяналт:
  
  • Багийн бүтээмжийг бодитоор хэмжихийн тулд ирц, зарцуулсан цаг, зайнаас ажиллах үеийн байршлыг бүртгэх модулийг сайжруулж, үр дүнг ойлгомжтой визуал тайлангаар харах боломжийг бүрдүүлсэн.
• Ухаалаг маягт болон Тайлагнал:
  
  • Цаасан бичиг баримт, урт имэйлүүдээс татгалзаж, байгууллагын бүх хүсэлт, асуулгыг дижитал маягт руу шилжүүлж, үр дүнг нь хүссэн хэлбэрээрээ (PDF, график) татаж авах боломжтой боллоо.
• Stripe төлбөрийн шийдэл:
  
  • Бид Tuss.io платформоо зөвхөн дотооддоо төдийгүй олон улсын зах зээлд идэвхтэй борлуулж, дэлхийн жишиг рүү тэмүүлж байна. Үүний хүрээнд Олон услын болон Монгол дахь хэрэглэгчиддээ зориулан дэлхийн хамгийн найдвартай төлбөрийн систем болох Stripe холболтыг амжилттай нэвтрүүлэн ашиглаж эхэлсэн
• Сингапурын хуулийн сан:
  
  • Комплаенс цэсэнд framework үүсгэхэд Сингапур улсын хууль тогтоомжийн тусламжтайгаар шинжилгээ хийх боломж нээгдсэн. Энэ нь Монголын Legalinfo сайттай холбогдсонтой адил зарчмаар ажиллах бөгөөд олон улсын түвшний хуулийн шинжилгээ хийх суурь тавигдсан.
• Олон улсын хамтын ажиллагаа:
  
  • ‍ АНУ-ын Калифорни мужид төвтэй, хууль тогтоох шинжлэх ухааны нэр хүндтэй байгууллага болох "Science of Laws Institute"-тэй хамтран ажиллах Санамж бичигт (MoU) гарын үсэг зурсан. Энэхүү түншлэл нь "Хууль бол Систем" (Law as a System) гэх суурь үзэл баримтлал дээр тулгуурлан, хуулийн төсөл боловсруулах үйл явцыг дижитал шилжилт болон хиймэл оюун ухаанаар (AI) бэхжүүлэх зорилготой юм.

Энэ бүх шинэчлэлтийн үр дүнд Tuss.io бол зүгээр л нэг мэдээлэл хадгалдаг систем биш, харин танай компанийн үйл ажиллагааг 100% дижитал шилжилтэнд хөтөлж буй юм.

Цаашид бид юу хийх вэ?

Жилийн эхний хагаст хийсэн ажлууд маань ирээдүйд бий болох том алхамуудын эхлэл юм. Бид системийн хурдыг илүү нэмэгдүүлэх суурь архитектурын өөрчлөлтүүдээс гадна, AI-ийн илүү гүнзгий боломжууд, гадны системүүдтэй хийх интеграци, мөн хэрэглэгчийн туршлагыг сайжруулах цоо шинэ функцүүдийг танилцуулахаар ханцуй шамлан орсон байгаа. Иймд хэрэглэгч та бүхэнтэй хамт илүү олон шийдлийг хамт цогцлооно гэдэгт бид итгэлтэй байна.

Хэрэглэгчийн аюулгүй байдал:

Байгууллагын дата мэдээлэл бол хамгийн үнэтэй хөрөнгө гэдгийг бид гүнээ ухамсарладаг. Тиймээс бид үүлэн технологийн (Cloud) дэд бүтцийнхээ аюулгүй байдлыг олон улсын стандартад нийцүүлэн бататгаж, өгөгдлийн шифрлэлт (Data encryption), гадны халдлагаас сэргийлэх хамгаалалтаа улам сайжруулсаар ирсэн. Мөн систем доторх хэрэглэгчийн эрхийн удирдлагыг (Access control) нарийвчилснаар танай байгууллагын мэдээлэл 100% таны хяналтад, найдвартай гарт байна гэдгийг дахин хэлэхэд таатай байна.

Бидэнтэй үргэлж хамт байж, үнэтэй санал хүсэлтээ өгдөг хэрэглэгч та бүхэндээ баярлалаа. Хэрэглэгч та бүхэн сайхан наадаарай!

-----------------------------------------------------------------------------------------------------------------------

Бид харилцагч, хэрэглэгчдийнхээ мэдээллийн аюулгүй байдал, хэрэгцээ шаардлагад нийцүүлж системийн хөгжүүлэлтийг тасралтгүй хийж ажлын удирдлага болон комплаенсын үйл явцыг тань дэлхийн жишигт нийцүүлэхийг зорьж байна.

Таны санал, хүсэлт бидний хөгжүүлэлтийн чигт үргэлж чухал байх болно!

Хэрэглэгч та хөгжүүлэлттэй холбоотой нэмэлт мэдээлэл, зааварчилгааг +(976) 7014-9761 дугаарт холбогдон авах боломжтой ба marketing@tussolution.mn хаягт санал хүсэлтээ илгээгээрэй.

tuss.io - г туршиж илүү дэлгэрэнгүй мэдээлэл авахыг хүсвэл энд дарж, уулзалт товлох эсвэл онлайн meeting хийх боломжтой.

‍